لبَسْت لْوَان Lbast Lwan الشيخ محمد فوزي الكركري قدس الله سره

#لبَسْت_لْوَان Lbast Lwan من ألبوم ” هي ليلى ”
كلمات : #الشيخ_محمد_فوزي_الكركري قدس الله سره
أداء : مجموعة #أهل_لفن_المديح_والسماع
كلمات القصيدة لبَسْت لْوَان Lbast Lwan من ديون دنان الأرواح :
لْبَسْت لْوَان وسَحْت مـــــا بِينْ لَجْبَال
وعَنْد الله شَدِّيت الرْحَال
حُبُّ لِي فَالْقَلْب بْدَا يْسِيل
حَتَّى مَا عْرَفْت النَّهَار مَنْ اللِّيل
جَاوْ سُوْلُونِي عَلَى الدَّلِيل
خُفْت نَنْكُر وهُوَ بِيَّ خْلِيل
بَيَّنْت مَنْ لَكْثِير قَلِيلْ
حَتَّى نْفَر وَهْرَب كُل عْلِيل
لِّي حْضَر قَالْ صَبْر جمِيل
وَلِّي غَاب بْقَالُو لْقَال وَلْقِيل
اضْوَات رُوحِي عْلِيهُم قَنْدِيل
وبَيَّنْتْ السُّبُل مَنْ السَّبِيل
هَكْذَا اذْكُرْنِي الْحبِيب الجلِيل
فالْقُرآن وَحَتَّى فَالإنْجِيل
اذْكُرْهَا بالتَّصْوِير وَالتَّمْثِيل
علَى لْسَان الْمَلَك سِيدْنَا جبْرِيل
ذَاقتْهَا الرُّوح اللِّي فَضَّلْهَا بالتَّفْضِيل
غَرَضْهَا فالْحبِيب مَاشِي فَالسَّلْسَبِيل
فَارْقَت كَسْدَتْهَا ظِلْ ظْلِيل
قَالَتْلْهَا حْيَاي كِيفْ حْيَا الْكَلْبْ الذلِيل
احْكِعلي كْلاَمْ مَنْ جِيلْ لْجِيل
مَا تَنْقُص مَا تْزِيد مَا تْقُوم بَالتَّبْدِيل
أنَا وَكَّلْت علِيَّ وَكِيل
وَجعَلْت طرِيقَك تَكْبِير وتَهْلِيل
فْنِيتَك حَتَّى بقِيت فَرْع أصِيل
حَتَّى وَلاَّت الأرْوَاح لِيكْ تْمِيل
زَوَّلْت عْلِيك الْوَسْوَاس وَالتَّسْوِيل
حَتَّى وَلا الْفَرْق جَمْــــــــــــــع وَالْجَمْع تَفْصِيل
وظَهَرَت بَالنَّهَار النْجُومُ وَالْهلال
حَتَّى تلاَشَى الْحرَام ومَا بْقَا غِيـرلَحْلاَل
بَكْلاَمِي تَصَنْعُوا شْبَاك وَحْبَال
وَتْلَمُّوا الرْمَال وظَهَرَت التلال
لِّي فَهْمُوا كُل حَرْف مَن لَمْقَال
غَابُوا عَن اليمِين وَعَن الشْمَال
مَا قَبْلوا لاَ نْعَام وَلاَ بْقَال
كُل مَاهُو مَحْسُوس خْيَال
انْسَاوْ لَخْصُومَة وَالجْدَال
فَرْحُوا بَالْخصِيم وْقَامُوا بالاحْتِفَال
هَذَا حَال حْبَابْ الله الْعُقَّال
لِّي حَبُّوه بَالْفِعْل وَالْمقَال وَالْحَالْ